Jólabjórnum gerð góð skil

Síðustu helgi var haldinn fundur hjá Val með leyni-jólabjórsþema.  Fundurinn var merkilegur fyrir þær sakir að innvígður var nýr meðlimur í Gils, Eiríkur Kristinsson.  Tók hann þátt í blindtestinu, að þekkja í sundur Tuborg og Carlsberg, ekki gekk betur en svo að Carlsberginn var sagður Tuborg og Tuborg sagður Harboe!  En þá sannast hið fornkveðna að bjór í flösku er allt annar og betri en bjór úr þýsk/danskri "bordershopáldós", en Tuborginn var í dós og Carlsberginn í hinni klassísku glerflösku.  Bjóðum við Eirík að sjálfsögðu velkomin í félagsskapinn þrátt fyrir slakt gengi í blindtestinu. 

Niðurstöður fundarins er að finna í skjalinu hér að neðan, en það var bjór sem undirritaður kom með sem hlaut hæstu einkunn, hann heitir Julius.  Helstu kostir hans eru eftirfarandi:
Þetta er bjór sem er frekar léttur miðað við jólabjór en samt með einkenni góðs jólabjórs
Hönnun flösku og miða: klassík en samt hátíðleg.
Nafn bjórsins: ber sama nafn og einn virtasti meðlimur Gils, Júlíus
Verðið: ekki nema litlar 11 kr 50cl (samanborið við 25 kr sem flestir jólabjórar kosta)

Myndir frá fundinum er hægt að nálgast í myndasafninu og uppfærð hópmynd af klúbbmeðlimum hefur verið sett inn.

Þó jólabjórnum hafi verið gerð góð skil og flestir meðlimir þurrkað út daginn eftir á dagatalinu enda meðalprósentan 7,5% þá styttist í næsta fund sem verður haldinn 20.des einhversstaðar nær miðbænum.

Kveðja Addi

Niðurstöður fundar 05.12.08